بعد ظهورها بفستان شفاف ومخالفتها لقواعد اللبس في مهرجان القاهرة.. هبة السيسي: الإضاءة السبب
ردت الفنانة هبة السيسي على الانتقادات التي تعرضت لها، بعد مخالفتها الشروط التي وضعها حسين فهمي لملابس الفنانات في القاهرة السينمائي، وظهورها بفستان مكشوف في حفل الافتتاح أمس الأحد.
وقالت هبة السيسي في تصريحات صحفية: نمت صحيت من النوم لقيتني طالعة تريند، ومصر كلها بتكلمني، وأنا مش بحب التريند خالص سواء كان عن حاجة كويسة أو وحشة ومش بحب أكون في الظهور علشان كده اخترت الفستان علشان مختلف، حاجة زي بتوع هوليوود وشكله حلو ومش هيكون حلو غير عليا وده مش غرور لكني بيليق عليا الحاجات المختلفة وبيكون شكلي فيها حلو.
وأضافت: لقيت الناس بتقول إني بتحدى حسين فهمي لكن اللي فاهمين في الفاشون بيقولوا أنه مختلف وبينافس عروض الأزياء العالمية وأنا مش بتحدى حد، وماكنش في دماغي أكون تريند، لكني لبست دريس عجبني وشبه فساتين الملكات في العصر الفرعوني وبيمثل الطابع الفرعوني.
وأكدت: مش بحب التريند وماكنتش متخيلة أطلع تريند لكن في كل مرة بحضر مهرجان بلاقي نفسي بطلع تريند لأني بلبس فستان مختلف وفكرته جديدة، زي فستان مهرجان الجونة، فأنا ببدأ الموضة والناس بتقلدني.
واستكملت: لما اخترت الفستان جوزي قالي بلاش تلبسي صدر مفتوح لأنه بيضايق، والمصمم اختار لي الفستان كت وتحته هوت شورت فقلت له عاوزة فستان قصير، فأنا نيتي ألبس محتشم ولكن للأسف الإضاءة فاتحة جدًا مخلية البشرة كلها بلون، ومبينة أن الفستان شفاف لكنها الإضاءة لأن البطانة لون بشرتي.
اقرأ أيضا
هند عاكف تكشف سبب رفض أمن الأوبرا دخولها حفل افتتاح مهرجان القاهرة
حسين فهمي يكشف سبب تجاهل بوسي شلبي ورفضه التصوير معها على السجادة الحمراء
لبلبة تبكي لفقدان والدتها لحظة تكريمها في مهرجان القاهرة السينمائي